上次田草日賽, 上半場爆個石破天驚, 幾隻99倍馬殺入連嬴, 如此場合, 真係任何分析都死.但每季都有一兩次出現此等情況, 惟有當作莊家抽水.

今晚谷草夜賽, 又是熱頭冷腳之局, 但買半冷馬,臨場耍睇飛數配合, 才可落注, 其中第3場有幾匹馬, 我認為大有機會走入冷腳, 所以今次選作投注重心.

以下是各匹馬分析:

1 真叻仔: 看今季第56場走勢, 如跑出水準, 加上配韋達, 應是Q胆.最怕臨場又GG坐坐退出, 但隔夜飛好勁, 馬房應有信心.

2 鼓浪洞天: 第176場受緊迫下輸近, 今次隔夜夠冷, 是今場冷腳.

3 奇寵: 今季連搏幾場, 驚唔夠體力捱到尾.

4 老少雙雄:跑開1200幾準, 今次轉跑中距離, 可能想偷雞.但隔夜21倍唔似有信心, 如臨場落至12倍左右可加入考慮.

5 草原奔騰: 前一場跑得不錯, 但今次我估佢唔會硬拼真叻仔

6 野蠻: 今季未有近過.

7 大滿貫, 轉馬房後可能會跑好D, 但佢全盛期果陣都唔係叻.

8 明艷照人, 是正路配腳, 亦與韋達關係密切, 如真叻仔臨場飛數唔夠佢勁, 可能會主客互換, 但耍臨場睇.

9 得寸進尺: 今季狀態唔錯, 我選佢為冷腳

10 歡樂滿堂, 我睇會減分落五班再搏

11 勝德寶: 情況同10歡樂滿堂一樣, 今場唔要.

12 得意之選: 跑開田草好, 今次過海跑, 是搏你唔信, 今次有得分, 是必選冷腳.

策略:

胆: (1)真叻仔, (如臨場(8)明艷照人有風吹草動, 則取而代之)

腳: (2) 鼓浪洞天, (9)得寸進尺, (12)得意之選

希望大家好運